🤲🏻 無法可修飾的一對手?【一文睇哂・手部護理法】

更新日期:8月 20

手,成日曬、洗、掂唔同既野⋯⋯近排仲成日用酒精搓 🍾

但係,無論你對手背後有幾多「溫暖」,佢地絕對唔係「無法修飾」,只係同重要既屋企人一樣經常被忽略。係度就教大家幾招,去好好珍惜愛護佢地。(對屋企人都要呀!)



1. 防曬 ⛅

紫外線係大部份皮膚問題既主因,防曬,除左搽面同身體,記得搽手腳都唔好懶;揸車、去街、踩單車個時更加要注意。建議洗乾淨對手,抹乾,搽一層護手霜之後,再搽埋高係數既防曬 (SP15防曬度基本足夠),或者買有防曬系數既護手霜用都可以


2. 按摩 👐🏻

成日用電腦打字、㩒手機、或者手部長時間保持同一個姿勢做野,容易因為血液循環唔好而引發健康問題。按摩下對手,舒緩手部疲勞之餘又可以保養對手同身體;善忘既女人,可以試下每次係搽護手霜既時候,都順便揉下隻手,慢慢養成習慣


3. 保濕 🌧️

夏天無咁乾,但長期係冷氣房、洗手、用酒精搓手液,都會令肌膚變得乾燥。所以同冬天一樣,最好每隔幾個鐘搽一層護手霜。唔同既係,冬天滋潤型既護手霜會岩D,夏天就可以揀清爽型既護手霜。搽嘅時候,先將護手霜擠落手掌搓熱,然後係手掌同手背上按摩,再用手指公按摩抹勻,暖暖地幫助皮膚吸收


4. 去角質 🌊

角質容易堆積係手指關節,當角質積聚過多,關節部位睇落就會暗沉。可以約莫2-4星期一次幫對手去角質。擠兩粒珍珠大小既量,輕輕沿住關節位打圈按摩,最後用暖水洗乾淨就得


5. 手膜 🤚🏻

手膜(手部面膜)同面膜既原理一樣,幫雙手補水保濕,仲可以預防黑斑同皺紋,令手部肌膚保持白滑水嫩


6. 洗手細節 👏🏻

溫度太高既水會去油,導致肌膚水分流失同變得乾燥;太凍既水,又會刺激到幼嫩既肌膚。所以洗手最好用同人體體溫相近既暖水;另外揀洗手液/番皂個時,留意唔好用鹼性過高既類型,改用多脂性香皂或者含有油性既洗面奶洗手就更加好


7. 戴手套做家務 🧤

洗碗、打掃都容易損傷手部皮膚,戴對手套直接阻隔就好好多


✌🏻🤞🏻 雙手通常都係親密既人 見同掂 得最多既部位,真係應該好好保養,下次就再教大家天然簡單既DIY手部護理啦~!

14 次瀏覽
WhatsApp Us